భీమకవిని స్తుతించిన కవులు

·        శ్రీనాథుడు తన “కాశీఖండం”లో తన పూర్వపు కవులను స్తుతిస్తూ, మొదటగా భీమకవి ఉద్దండ శైలిని గుర్తుకుతెచ్చుకున్నాడు. 

                        “ వచియింతు వేములవాడ భీమన భంగిఁ

                        నుద్దండలీల నొక్కొక్క మాటు

                        భాషింతు నన్నయభట్టుమార్గంబున

                        నుభయభాషాప్రౌఢి నొక్కమాటు”

·        పట్టపు సరస్వతీ సోమయాజి (సాక్షాత్తు భీమేశ్వరుడు భీమకవి నాలుక చివర వాగ్భామిని బీజాక్షరాలను లిఖించాడని)

                        భీమేశ్వరు డితడు మా నామము వాడనుచు వ్రాసి

                        నాలుకతుద వాగ్భామిని బీజాక్షర మా భీమన

                        దలచినను గల వభీష్టఫలంబుల్ (పృథుచరితము)

·        తిరువేంగళ కవి తన “చొక్కనాథచరిత్ర” గ్రంథములో తెలుగు కవులను స్తుతిస్తూ భీమకవి ని తొలుత తలచి తరువాత కవిత్రయాన్ని తలచాడు.

                “ భవభూతి దండుమాఘునిని బిరుద వేములవాడ భీము,

                నన్నయ తిక్కన ఎఱ్ఱపార్య శ్రీనాథునిలఁగల్గు కవులను నెల్ల

                సద్భక్తి విలసిత సద్వాక్య వినుతి నుతించియెకతి రచియింప”

·        కొరవి గోపరాజు అను కవి భీమకవిని (బలభీముడు, వినుత భీముడు) గూర్చి 

                        “వేములవాడక సుఖియై

                        వేములవాడం జరించి వేములవాడన్

                        దా మెరసిన భీముని సుత

                        భీముని బలభీము విముఖతభీముదలంతున్”

·        ఆంధ్రకవి రామయ్య (భీమకవి ఛందోనిబంధన చాతురీ ధోరేయుడని, వాగ్ధాముడనీ)

“ఛందోనిబంధన చాతురీధోరేయు వాగ్దాము

వేములవాడ భీము”

                “చను నుత్తమగండాధ,ర్వణహనుమదనంతన కవిరాక్షనజయదే

                వనుత శ్రీధరగోక,ర్ణనీలకంఠాది భీమన చ్ఛందంబుల్”

               

·        వెల్లంకి తాతంభట్టు (భీమకవి లక్షణకర్త)

                        “భీమన అఖండంబు మొదలైన కొన్ని వళులకు

                        లక్షణ లక్ష్యంబులు చెప్పడు”

                        ప్రజ్ఞాలవదుర్విదగ్దు లసంగతంబుగా బెనచి

                        తగిలించినా; రతని యంకితంబు లేవున

                        వానిం బ్రమాణింపతగదు”

·        చంద్రరేఖావిలాప రచయిత కూచిమంచి జగ్గకవి (తిట్టు కవిత్వం అనగా అందులో భీమకవి అగ్రగణ్యుడని చెప్పాలని)

                భీమకవి రామలింగని

                స్త్రీ మన్మధుడై చెలఁగు శ్రీనాధకవిన్

                రాముకవి ముఖులను ర్రొ

                ద్ధామగతిఁ జిత్తువీధిఁదలచి కడంకన్

·        పెదపాటి సోమనాథుడు రచించిన అరుణాచలపురాణంలో భీమకవిని ఇలా తలచాడు.

వాక్ప్రతోషితదక్షవాటి మహాస్థాన

భీము వేములవాడ భీముఁగొలిచి

·        మొల్ల

స్తుతగుణోద్ధాము నాచనసోము భీముని

·        పింగళి సూరన్న భీమకవి రచించిన రాఘపాండవీయం అను రెండర్థముల కావ్యం దొరకకపోవడం వలన అలాంటి కావ్యమును అదే పేరున రచించాడు. ఆ గ్రంథములో మొదటి పద్యాన ఇదే విషయాన్ని  ఇలా వ్రాశాడు.

        ఉ      భీమన తొల్లి చెప్పెనను పెద్దల మాటయె కాని యందునొం;

                 డేమియు నేయెడ న్నిలుచు         టెవ్వరు గాన రటుండనిమ్ము నా,

                 నామహిత ప్రబంధరచనా ఘనవిశ్రుతి నీకుఁ గల్గుటన్,

                నామదిఁ దద్ద్వయార్థకృతి నైపుణియుం గల దంచు నెంచెదన్

·        చిత్రకవి పెద్దన (భీమకవి ఈశ్వరప్రసాది కవితాడ్యుడని)

ప్రత్ర్యక్ష వర ప్రసాదకవితాడ్యుని

వేములవాడభీమునిన్

·        లింగముగుంట తిమ్మన

                భీమనయు ననంతయును బెద్దనయును

                తాతానయును జెప్పినట్టి ఛందములు గూర్చి

                ప్రకరణము లొప్పజేసెను బ్రహ్మసంఖ్య

                నొనర లింగముగుంట తిమ్మన యనుకవి

·        పొత్తపి వెంకట రమణ కవి

భీముని ఫణబంధపేశలంబు

·        వార్తకవి రాఘవయ్య

                “జనతతగణయుతము సంపత్కరంబుగా

                మంచి దనుచు భీము డెంచినాడు”

                “ఛందం మొదలనే వేములవాడ భీమ

                కవిగారి ప్రయోగం ఉన్నది”

·        కాకునూరి అప్పకవి

                “వికటకవులు కొన్ని వింతలు గల్పించి

                కవిజనాశ్రయమున గలిపినారు. వాని గఒకొనంగ

                వలదప్రయుక్తంబు లేల సెప్పు భీముడెరిగి యెరిగి”

                “ కవిజనాశ్రయమున

                ‘శ్రీకాంతా’ యని వేములవాడ భీమకవియును”

                “భీమన పది చెప్పె ననం

                తామాత్యుడు చెప్పె వెనుక యతు లిరువదినాల్గు”

·        ఓరుగంటి రామకవి

                భీమేశ్వర లబ్ధకవితావాచా సిద్ధిగల వేములవాడ

                భీమనార్యుం డొనరించిన కవిజనాశ్రయం

                బను ఛందంబు (కవితాలక్షణసారం)

·        కూచిమంచి తిమ్మకవి

భీమన చెప్పిన పదియతులను ప్రకారాంతమున వ్రాసుకోన్న పద్యమే ఉంది.

·        కస్తూరి రంగకవి

ఆదిమకవి భీమన రేచన మీద నంకితముగా జెప్పినాడు.

·        పిండిప్రోలు లక్ష్మణకవి

పృథు కుకవి స్వాంభీము భీము దలచి

·        కట్టమూర్తి కామేశ్వరకవి

రమణీయపాకాభీరాము భీము దలచి

·        శేషధర్మము లక్ష్మణకవిస్తుతి

భీము ననంతు జిత్రకవి పెద్దన సుధీంద్రు జగత్ప్రసిద్ధులన్

·        అనంతామాత్యుడు తన భోజరాజీయము అను కావ్యమునందు

        నన్నయభట్టుఁదిక్కనకవి నాచనసోముని భీమనార్యుఁ బే

        రెన్నిక జిమ్మపూడియమరేశ్వర భాస్కర శంభుదాసునిన్

        నన్నుతిఁజేసివాక్య సరసత్వము వీనులకింపు మీర న

        త్యున్నతిగా నొనర్తు నెఱ యోధులమేలనఁ గావుమిమ్ములన్